---
title: "മാഞ്ചസ്റ്ററിൽ മലയാളി നഴ്സിനെ വീട്ടിൽ മരിച്ച നിലയിൽ കണ്ടെത്തി"
english_title: "Malayali Nurse Found Dead At Home In Manchester Thrissur Native Shaimy PK"
publisher: "truevisionnews.com"
canonical_url: "https://truevisionnews.com/news/379655/malayali-nurse-found-dead-manchester-thrissur-shaimy-pk "
published_at: "2026-08-22T19:47:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/6a89afcebe6fe_malayali-nurse-found-dead-manchester-thrissur-shaimy-pk_.jpg"
keywords: ["Malayali Nurse Death", "Women Death", "Thrissur Native"]
---

# മാഞ്ചസ്റ്ററിൽ മലയാളി നഴ്സിനെ വീട്ടിൽ മരിച്ച നിലയിൽ കണ്ടെത്തി

> **Lead Summary:** മാഞ്ചസ്റ്റർ: ഭർത്താവ് ഡ്യൂട്ടി കഴിഞ്ഞ് വീട്ടിലെത്തുമ്പോൾ അന്നേദിവസം ഡ്യൂട്ടിക്ക് പോകേണ്ടിയിരുന്ന ഭാര്യയെ വീട്ടിൽ മരിച്ച നിലയിൽ കണ്ടെത്തി. റോയൽ മാഞ്ചസ്റ്റർ ചിൽഡ്രൻസ് ഹോസ്പിറ്റലിൽ നഴ്‌സായി ജോലി ചെയ്തിരുന്ന തൃശൂർ പീച്ചി പതിപ്പറമ്പിൽ വീട്ടിൽ കുഞ്ഞുമോൻ പി.വിയുടെ മകൾ ഷൈമി പി.കെ. ആണ് മരിച്ചത്.

## Article Content

മാഞ്ചസ്റ്റർ: ഭർത്താവ് ഡ്യൂട്ടി കഴിഞ്ഞ് വീട്ടിലെത്തുമ്പോൾ അന്നേദിവസം ഡ്യൂട്ടിക്ക് പോകേണ്ടിയിരുന്ന ഭാര്യയെ വീട്ടിൽ മരിച്ച നിലയിൽ കണ്ടെത്തി. റോയൽ മാഞ്ചസ്റ്റർ ചിൽഡ്രൻസ് ഹോസ്പിറ്റലിൽ നഴ്‌സായി ജോലി ചെയ്തിരുന്ന തൃശൂർ പീച്ചി പതിപ്പറമ്പിൽ വീട്ടിൽ കുഞ്ഞുമോൻ പി.വിയുടെ മകൾ ഷൈമി പി.കെ. ആണ് മരിച്ചത്.

ഇന്നലെ രാവിലെ 8.05ഓടെയാണ് സംഭവം. ഡ്യൂട്ടി കഴിഞ്ഞ് വീട്ടിലെത്തിയ ഭർത്താവ് ജോയലാണ് ഷൈമിയെ മരിച്ച നിലയിൽ കണ്ടെത്തിയത്. അന്നേദിവസം ഷൈമിക്ക് ഡ്യൂട്ടിയുണ്ടായിരുന്നു. ജോലിക്ക് പോകേണ്ടിയിരുന്ന ഭാര്യയെ വീട്ടിൽ മരിച്ച നിലയിൽ കണ്ടെത്തിയത് ജോയലിന് അപ്രതീക്ഷിതമായ ഞെട്ടലായി.

കുമളി അസംബ്ലീസ് ഓഫ് ഗോഡ് സഭാ ശുശ്രൂഷകനും കറിമുട്ട് വട്ടക്കാലായിൽ സ്വദേശിയുമായ പാസ്റ്റർ മോനി ചാക്കോ ജോർജിന്റെ മകനാണ് ജോയൽ. പഠനത്തിനായി യുകെയിലെത്തിയ ജോയലും നഴ്‌സായ ഷൈമിയും ഒരു വർഷം മുൻപാണ് വിവാഹിതരായത്. ഷൈമിയുടെയും ജോയലിന്റെയും സഹോദരന്മാരും യുകെയിലുണ്ട്.

2021 ഡിസംബറിലാണ് ഷൈമി യുകെയിലെത്തിയത്. പീച്ചി മാറായിക്കൽ ഐപിസി എബനേസർ സഭാംഗമായിരുന്നു. ഷൈമിയുടെ മരണകാരണം സംബന്ധിച്ച കൂടുതൽ വിവരങ്ങൾ തുടർനടപടികൾ പൂർത്തിയായ ശേഷമെ ലഭ്യമാവുകയുള്ളു.

മൃതശരീരം നാട്ടിലെത്തിക്കുന്നതിനുള്ള ക്രമീകരണങ്ങൾ നടന്നുവരികയാണ്. സംസ്കാര ശുശ്രൂഷകളുടെ തീയതിയും സ്ഥലവും പിന്നീട് അറിയിക്കും.

**English Summary:**

Malayali nurse found dead at home in Manchester. Deceased is Shaimy PK (28), native of Pechi Pathipparambil house, Thrissur, daughter of Kunjumon PV. She worked as nurse at Royal Manchester Childrens Hospital. Incident occurred yesterday morning around 8.05 am when her husband Joel returned from duty and found her dead at home, though she had duty that day. Joel is son of Pastor Mony Chacko George of Kumily Assemblies of God and Karimutttu Vattakkalayil native. They married a year ago after Joel came to UK for studies. Shaimy reached UK in December 2021. She was member of Pechi Marayikkal IPC Ebenezer Church. Cause of death awaited after further procedures. Arrangements underway to bring body home.

### Related Links & Sources
- [Original Story Source](https://truevisionnews.com/news/379655/malayali-nurse-found-dead-manchester-thrissur-shaimy-pk )